قالوا ملاك .. ما لنا باحتمالا ..

بسم العظيم الواحد الله تعالا ..
أبدي قصيدي ساحبه بسلس الطرق ..
بنشد كلامي دون لا لا ولا لا .. !!
واسحر عقول الناس في ومضة البرق ..
اقدع طواريقي واخذ بالدلالا ..
وكيّف على معنى القصايد على الورق ..
لي جادل متفرد بالجمالا ..
الترفه الي تسرق اقلوبنا سرق .. !!
الي تسرّب في مشيها دلالا ..
كلّ العذارى حارقة قلبهن حرق ..
فيها جمال ما سطى بالشمالا ..
ما شافها غرب ولا شافها شرق ..
ما ينرسم لي حسنها بالخيالا ..
سهم العيون الي خرق خافقي خرق .. !!
قالوا ملاك .. ما لنا باحتمالا ..
غيّر مفاهيم الحلا واظهر الفرق .. !
وآقول انا وقلبي بدى باشتعالا .. !
واهذي لهم من شوف رسم المها الزرق ..
سبحان مرجعها ,, ل ربّ الجلالا ..
الي جعل هالشمس تطلع من الشرق .. !
إذا عجزنا هالجمال احتمالا .. ؟!
وشلون حور العين أجل ؟! .. لاحظ الفرق .. !!