قالك الجزايريين خاوة ومابيناتهم عداوة
هاذي مانامنهاش
bon
في بلادنا كاين عنصرية وجهوية كبيرة
والدولة تحقر فالشعب والشعب يحقر في بعضاه
ندو كمثال فقط
تلقى تاع الشرق يكرهو تاع الغرب قلنا كمثال فقط
ولوكان تروح للشرق ولا الوسط ولا الغرب
تلقى ولاية يكرهو الولاية جارتهم
وداخل الولاية تلقى بلدية مضاربين مع البلدية لي حذاهم
وداخل البلدية تلقى سيكتور يكرهو السيكتور لي قدامهم
وداخل السيكتور تلقى كارتيي مضاربين مع الكارتيي لخرا
وداخل الكارتيي تلقى باطيما مضاربين مع الباطيما لي مقابلتهم
ودخال الباطيما تلقى بلوك مايحبوش البلوك لاخر
وداخل البلوك تلقى دار مضاربين مع جيرانهم
وماشي محال داخل الدار تلقى زوج خاوا مايتفاهموش مع بعص
enfin
باش نصبرو رواحنا نقولو ليزالجيريان خاوا
زيد حاجة لحد الآن مازلنا نقولو على
العربي عربي وعلى القبايلي قبايلي وعلى الشاوي شاوي والتارGـي تارGـي والمزابي مزابي
وماننساوش في بلادنا كاين عفسة مانحبوش البراوي
مثلا واحد من ولاية ويكون يسكن في ولاية وحدخرا
تلقى الناس مايحبوهش يعني عنصرية كبيرة
زيد لي يسكن في la ville حاسب روحو ماعلاباليش واش
ولي يسكن فالريف تاع ياودي متخلف ولا ماعلاباليش كيفاش
malgréليزالجيريا كامل اصلهم مالارياف غير لي ينكر اصلو
ولا لي لي زاد ولقى روحو في la ville
+en
الولايات الكبار زعما يعايرو ناس الولايات الصغار
وهما اصلهم كامل مالولايات الصغيرة هاذيك هجرو اصلهم وتحلبو
وحكمتهم الدهشة باسكو الناس كي تتحلب تطلع بالدرجة ايا هوما طلعو بالربعة ديراكت
عليها حكمتهم الدهشة وقالك انا السيفيليزاسيون عندي تخلاص خخخخ
وهو اختو تصرف عليه
بلا ماننساو ولاد الحركى وولاد فرونسا هاذوك هوما لي هلكو لبلاد
وثاني ليزيميـGـري لي مساكن لهيه يحرثو عليهم هو يخدم عند السي فلان يسيقلو التوالات
ومرتو تخدم فام دو ميناج عند مادام الفرونساز
وكي يجيو هنا يتـGـوعرو على ولاد بلادهم
وهوما دراهمهم يديرولهم بروGـرام كبير كيفاش يصرفوهم هنا خخخ
انا نخليكم خاوتي ناقشونا في هذا الموضوع
وماتنساوش بلي رانا Gـاع
des algeriens
الرئيسية 
النقاط
تاريخ التسجيل
موضوع: العنصرية في الجزائر-Le Racisme en Algerie 
الثلاثاء يونيو 23, 2015 2:26 pm
